ТЫДЗЕНЬ РОДНАЙ МОВЫ
24.09.2022У кабінеце беларускай мовы і літаратуры была арганізавана выстава «Сэрцам роднага слова краніся».
Вучні 7 класа малявалі, а потым прэзентавалі віншавальныя паштоўкі з прызнаннямі ў любові да беларускай мовы.
Для рознаўзроставых груп школьнікаў у школьным музеі праходзілі экскурсіі «Аб родным краі роднай мовай».
Актыўны ўдзел школьнікі прымалі ў акцыі «Размаўляй са мной па-беларуску». На працягу дня вучні размаўлялі па-беларуску. Мэтай мерапрыемства была прапаганда неабходнасці карыстацца беларускай мовай не толькі на ўроках, але і падчас паўсядзённых зносін.
Падчас гастранамічнага фэста «Беларуская кухня» вядучыя знаёмілі прысутных з традыцыйнымі стравамі беларускай народнай кухні. Былі агучаны рэцэпты прыгатавання і адбылася дэгустацыя дранікаў.
Старшакласнікі прынялі ўдзел у прэзентацыі кнігі “Адзін народ, адзіная Радзіма”, укладальнікам якой з’яўляецца В.Шніп.